ازيكم يا ماميهاتى الحبيبات
انهاردة حشاركم فى تجربة عمل بيت لباربي بايدينا ….الحقيقة لأن بنتى عندها تلات سنين مقدرتش تشارك فى كل الخطوات لكن لو بنتاكم اكبر شزية ممكن يساعدوكم اكتر او حتى يعملوه هما تماما لوحدهم
الخامات اللى اتسعملتها هى
كارتون
ورق بمبى و ابيض
غراء ابيض
صمغ
وصور من كتالوج ايكيا اللى بيتوزع على البيوت ببلاش ( اذا مش متوفر ممكن تستعملوا صور من الجرايد او المجلات او حتى ترسمه العفش بنفسكم)
الخطوة الاولى اخد مقاسات قاعدة البيت للتبسيط البيت هيكون دور واحد و غرفة واحدة كبيرة اذا حابين ممكن تقسموها لأكتر من غرفة
بعد كدة اخدت مقاسات الحيطين الجانبيين و الحائط الخلقي للبيت
ولزقتهم فى القاعدة باستخدام الغراء الأبيض
الخطوة التالتة هى دهن الكارتون بمزيج من الغراء الأبيض والماء ( مقدار نص كمية الغراء او اقل قليلا من الماء )
الهدف تخفيف الغراء لتسهيل دهنه ) ده بيعمل حاجتين بيساعد على لزق الورق البمبى كويس على الكارتون وبيدى البيت
متانة رهيبة عشان يستحمل الشيل و الحط واللعب
الخطوة الرابعة هى اختيار الصور المفضلة بالنسبة لكم ولصقها حسب الرغبة على اماكنها على الحيطان
واخيرا اضفنا سجاد من الفوم اللامع ممكن تستخدموا صور سجاد او حتى ورق فاضى
واذا حابين ممكن تزوقوا بعض الأماكن بالجليتر او بالستي
كرز زى ما تحبوا
اتمنى لكم اوقات وزكريات سعيدة وانتم بتعملوا البيت ده وبتلعبوا بيه مع بعض كمان
ومستنية اشوف صور انتاجكم الجميل 🙂
وطبعا متنسوش تشوفوا الفيديو هنا
امومتي 