ازيكم يا ماميهاتى الحبيبات ….؟
النهاردة قلت اشاركم فى واحدة من اكتر الوصفات المتكررة فى بيتنا وهى الأيس كريم بالنوتيلا…
طبعا متكررة عشان نوتيلا ( مش محتاجة اسباب تانية) و عشان سهلة جداااااااا
المقادير ( تكفى 4 اشخاص)
3 موزات مستوية
1 كوب نوتيلا
ملعقة صغيرة فانيلا
رشة ملح
الطريقة :
- نضيف كل ما سبق فى محضرة الطعام و “نخفقه” مع بعض
- نوزع المقدار فى قوالب الأيس كريم او اطباق صغيرة
- نمسح اللى اتدلق مننا
- ندخلها الفريرز لمدة 8 ساعات او طوال الليل
عشان نطلعها من قالب الأيس كريم نغمسة كام ثانية كدة فى ماء دافىء
وبالهنا و الشفا 🙂
ممكن تشوفوا الوصفة بالتفصيل فى الفيديو ده
امومتي 