ازيكم يا ماميهاتى الحبيبات
الأسبوع ده قلت اقدملكم شنطة رمضان بس بشكل جديد غير المعتاد
انا مقصدش هنا الشنطة الخيرية المعتادة لكن اقصد شنطة فيها مجموعة من الأنشطة للولاد فى رمضان و خصوصا انه فى الصيف و طبعا الولاد بيزهقوا و احنا مش ناقصين ( ههههههى) الشنطة مناسبة لأى عمر حسب اللى حتحطوه فيها انا هديكوا شوية افكار و انتوا غيروا فيها حسب زوقكم
اول حاجة فكرت فيها اننا ممكن نحط للولاد قصص مش شرط تكون قصص دينية ممكن تكون قصص لها علاقة بعادات او صفات كويسة نعرفهم بيها فى رمضان
كمان ممكن اننا نحط للولاد سبحة لعبة عبارة عن عقد بلاستك عشان ما يتقطعش
كمان الاولاد بيحبوا التلوين طبعا ففيه كتاب تلوين مجانى ممكن تنزلوه من الرابط ده
ممكن كمان نحط طرحة او اسدال صلاة لبناتنا او سجادة صلاة للولاد و نكلمهم عن الصلاة
هى دى كل الأفكار اللّى عندى لكن اكيد فيه افكار مختلفة كتير حابة اسمعها منكم…لو حابين تتفرجوا على الفيديو اللّى عملته عن شنطة رمضان ممكن تشوفوه هنا و كل سنة و انتم طيبين
امومتي 