بما ان الدراسة بدأت وبدأ معها زيادة كبيرة فى الارهاق و قلة النوم والذى منه فقلت انهاردة على سبيل الدلع نعمل مع بعض لاتيه سريع بس لذيذ , جدا ومفيد فى نفس الوقت لأنه فيه قرفة و القرفة لها فوائد كتير زي ما انتم عارفين من أهمها تنظيم السكر فى الدم والفوقان اللى احنا محتاجينهم قوي طبعا
دي المقادير حسب زوقي انا لكن ممكن تغيروا فيها حسب زوقكم طبعا وبالهنا و الشفا 🙂
المقادير
نصف كوب حليب
ربع كوب قهوة قوية ( اسبرسو مثلا)
ملعقة صغيرة سكر
ملعقتين صغيرتين قرفة
ممكن كمان نضيف فانيليا
الطريقة:
- على نار هادئة نضيف الحليب والقرفة و السكر ونقلبهم جيدا و نتركهم على النار حتى الغليان ( من الضروري غلي القرفة والسكر على النار بتفرق فى الطعم جدا بالمقارنة باضافتهم من غير غلي للكوب مباشرة
- نضيف القهوة ونترك الخليط قليلا ليغلي على نار هادئة
- نطفئ النار و نضيف الفانيليا فى هذه المرحلة ومن الممكن لو حبيتم اضافة كريمة للحصول على نتيجة المحلات بالضبط
امومتي 