ازيكم يا ماميهاتي الحبيبات
لو عندك اطفال كبار او صغيرين فعلى الارجح انهم زهقانين ومطلعين زهقهم عليكي ( وانت مش ناقصة) خلال نهار رمضان
فعشان كدة بقدملك انهاردة مجموعة من المصادر المجانية المتنوعة لتعليم الاطفال الكتير من الامور الدينية فى رمضان وتسليهم فى الوقت نفسه
كتاب 22 صفحة مجاني من learningroots
هو صحيح بالانجليزي بس الافكار سهلة و ممكن نشرحها للولاد او نغير فيها براحتنا
لتحميل الكتاب اضغط على الرابط التالي: Ramadan (1)
2. قصة مجانية يمكن قراءتها على الكمبيوتر بعنوان : صغير على الصيام
https://www.farfaria.com/too-young-to-fast
3. موقع newmuslimkids
موقع جميل جدا بيقدم افكار كتييييييييير من اول كتب التلوين لقصص مصورة لالعاب و تسالي و كلها بتعلم الاطفال الكتير من العبادات و الاخلاق الاسلامية
4. كتاب قصة و تلوين فى الوقت نفسه :بعنوان فاطمة تصوم لأول مرة
الكتاب بيعلم الاطفال ازاي يستفيدوا من يومهم فى رمضان من خلال قصة من 30 صفحة كلها يمكن تلوينها ممكن تطبع او لو اطفالكم بيعرفوا يستعملوا برنامج الpaint على الكمبيوتر ممكن يلونوه عليه كمان
5. كتاب انشطة رمضان من الالف للياء
كتاب تلوين من 29 صفحة بيعلم الاطفال الكتير عن رمضان للحصول عليه تشتركوا فى الموقع نفسه وبيتبعت الكتاب ببلاش
6. كتاب الدعوات اليومي من موقع muslimstickers.com
هو الكتاب بفلوس لكن فيه كذا صفحة ببلاش على الموقع
7. كارتون لتعليم قصص القرآن للاطفال
على الارجح انتم بالفعل شوفتوا السلاسل دي قبل كدة لكن انا حابيت اقولكم عليها لانها الحقيقة جذابة جدا و فعلا بتشد الولاد فجزاهم خيرا اللى اشتغلوا عليها
هى دي المصادر اللى عندي بس حابة اسمع منكم لو تعرفوا مصادر تانية لاقيت استحسان ولادكم ياريت تقولولي عليها
و كالعادة استمتعي باسرتك الجميلة 🙂
امومتي 