اصابع البطاطا الحلوة المقرمشة

baked-sweet-potato-fries

b329c1c1826665eb3066828c07bcd67f

ازيكم يا ماميهاتي الحبيبات

لأني ركزت على السناكس الحلوة الفترة اللى فاتت قلت اقدملكم سناكس حادقة لهواة الحوادق نبتديها بالوجبة المفضلة عند الجميع البطاطس المحمرة

كنسخة صحية بدل البطاطس استعملت بطاطا حلوة ( لأنها اغنى بالالياف و البيتا كاروتين) وبدل القلي شويتها وكمان حقولكم على طريقة تطلعها مقرمشة (اكبر مشكلة بتواجه اى حد بيحاول يستبدلها بدل البطاطس)

المقادير

1 ثمرة بطاطا كبيرة

1 ملعقة كبيرة نشا ( معلقة ممسوحة او اقل حتى حسب حجم البطاطا)

1 ملعقة صغيرة زيت جوز هند ( ممكن استبداله بزيت زيتون و ممكن الاستغناء عنها تماما لو حابين مش مشكلة)

1\2 ملعقة صغيرة بودرة توم او اى تشكيلة بهارات حسب الرغبة

ملح حسب الرغبة ( انا عملتها من غير خالص)

شوية زيت ندهن بيهم الصاج لمنع الالتصاق وممكن استبداله بسليكون مانع للالتصاق

الخطوات:

نقشر البطاطا ( ممكن الاحتفاظ بالقشرة لو حابين الفائدة ) ونقطعها لأصابع مع ملاحظة ان يكون الحجم تقريبا قد بعض قدر المستطاع وكل ما كانت رفيعة كل ما كانت القرمشة اقوى

ننقع البطاطا فى الماء لمدة من 45-60 دقيقة للتخلص من النشا (تسألوني طب ليه ما احنا حنضيف نشا لأن النشا المضاف هينشفها و يساعدها على القرمشة لأن النشا اللى بيتباع نشا ذرة لكن النشا اللىّ فى البطاطا بيخليها طرية)

بعد النقع ننشفها كويس بفوطة مطبخ

فى كيس حنحط صوابع البطاطا ونضيف عليها النشا و الزيت (لكن البهارات او الملح مش دلوقتي عشان متطراش)

نهز الكيس كويس عشان تتغطي كلها

نشغل الفرن على درجة 200 ونفرد ورق فويل على صاج بحيث الوش اللامع يكون لتحت و نمسحة بورق منديل عليه شوية زيت لمنع الالتصاق

نرص اصابع البطاطا مع ملاحظة انهم مايكونوش لازقين فى بعض

تخبز فى الفرن لمدة 25 تقريبا مع اخراها فى الوسط مرة لتقليبها

نخرجها من الفرن و نرش البهارات عليها و نسيبها فى الصاج تبرد لأنها كل ما فضلت فى الهوا بتقرمش اكتر (لو بنحب ناكلها سخنة ممكن منستناش و نعيد تسخينها)

ممكن ناكلها مع كاتشب زي البطاطس المحمرة او اى حاجة تانية بنحبها انا شخصيا بحبها مح الحمص قليل الزيت اللى بعمله فى البيت….بس دي وصفة تانية حأبقى اقلكم عليها مرة تانية ان شاء الله 🙂

لو عاوزة تفاصيل اكتر ممكن تتفرجي على الفيديو ده وبالهنا و الشفا 🙂

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s