بما ان موسم المدارس هلّ علينا فأكيد من ضمن المليون حاجة اللّى كلنا كأمهات عندنا بنات بنفكر فيها خناقة كل يوم الصبح على التسريح…فقل اقلقكم على الطريقة اللّى لاقيتها نفعت مع بنتى و خليت التسريح الحمد الله مش ملحمة دامية
- اول خطوة انى فى ازازة بخاخ فاضية بملها ماية و بضيف عليها حوالى مقدار معلقة مت خل التفاح
خل التفاح يعتبر بلسم طبيعى وبينضف الشعر و بيزيل اثار الكيماويات الموجودة فى الشامبو و الكلور الموجود فى الماء عشان كدة فكرة كويسة اننا نشطف شعرنا احنا و ولادنا بخل تفاح مخفف ( بس بنسبة نص كوب خل و نص كوب ماء) بعد الحمام لشعر صحى واسهل فى التسريح
2. البلسم الطبيعى
فى زجاجة بخاخ بنضيف
2 معلقة كبيرة زيت جوز الهند الطبيعى ( يفضل نتأكد انه زيت جوز هند فقط وليس عليه اى اضافات آخرى)
على كوب او 3/4 كوب ماء
بنخفف الزيت بالماء عشان مايبقاش الشعر مزيت جامد و النسبة دى ممكن تتغير على حسب مدى نعومة الشعر يعنى كل ما كان الشعر انعم حنحتاج كمية اقل و العكس صحيح فجربي و شوفى ايه الأنسب لشعر بنوتك
3. دايما بحب افكفك اى تشابكات فى شعر بنتى بايدى بالراحة قبل التسريح لأن كدة بيبقى الألم اقل كتير
4. يفضل نستخدم مشط واسع لأنه مش حيوجع الشعر و يقصفه زى الفرش او الأمشاط الضيقة
اتمنى ان الأفكار دى تسهل حياتكم شوية 🙂 وشوفى الفيدو ده لكل التفاصيل
https://www.youtube.com/watch?v=gWwOoFY4_LE
استمتعى بأسرتك الجميلة
امومتي 