يوميات ماما – تحدى جردل التلج

 
اذا كنت مسمعتش عن تحدى جردل التلج لسة….
فمرحبا بك شكلك لسة واصل الكوكب من شوية….

تحدى جردل التلج مكتسح العالم…

ما بين متحمس له بشدة…ورافض له بشدة بالطبع…
مثل أى قضية آخرى فى العالم…
ومقالتى انهاردة مش عشان اقول رأى انا شخصيا فى الموضوع لكن عشان اتكلم عن حاجة تانية لها علاقة بالموضوع…
من كام يوم “شيرت” احدى ماميهاتى الحبيبات على “الحيطة” بتاعتها على “وش الكتاب”  “بوست” واحد اتكلم فيه عن الزاوية اللى عاوزة اتكلم عنها انهاردة….
تحدى جردل التلج بدأوه أشخاص…مش دول و لا منظمات…فكرة صايعة…حسب وصف البوست لتوعية الناس بمرض معين و جمع تبرعات له…
اكتسح العالم…
كاتب البوست بيقول ليه احنا مس بنعمل كدة فى القضايا اللى بتهمنا بدل ما نشحت و ننوح عليها…سيبك من الدول و السياسات….التحدى ده جمع ملايين فى وقت قصير للقضية اللى معمول عشانها لأنه عرض الفكرة بطريقة جذابة شدت الناس للاشتراك…
 بينما اسلوب التقريع المحبب لدى الكثيرين…واسلوب الشحاتة المحبب لدى البعض الآخر لم يجدى نفس الثمار…
لماذا لا نفكر فى فكرة جذابة و شيقة تلف الناس…وليس الدول و السياسات…حول القضايا المهمة التى نعانى منها فى وطننا العربى…
او فى بلدنا نفسها…
شبعنا حديثا عن اليهود المسيطرين على الاعلام الغربى…
ولم نقدم منتجا جذابا بما يكفى يخترق كل القيود…
الفكرة الحلوة…الملعوبة صح…بتخترق الرصاص…
انا عمّالة أفكر…
لأنى مش بفكر بطريقة حد تانى يبقى يعمل…لأ ليه الحد التانى مايبقاش انا…
بس لسة موصلتش لفكرة…
ولحد ما أوصل ان شاء الله قلت استغل منبرى هذا واعرض الفكرة عليكم…
وتفكروا انت كمان…
وتقولوا للناس تفكر…
حتى لو- و اتمنى لأ- موصلتش لفكرة… أكون على الأقل ساهمت فى انى أكون بشكل ما ساهمت فى ان الفكرة تحصل….
ادعوكم لنشر مقالة انهاردة…ومش عشان اكتر شعبية الموقع…مش شرط تنشروا المقالة نفسها….معنديش اى مشكلة لو أى حد حب ياخد الفكرة و يقول ان هو اللى فكر فيها لوحده…بس فكروا…وقولوا للناس تفكر…احنا اللّى ندور على حل يساعد غزة…ويساعد فلسطين…ويحل هنا و ينقذ هناك…منستناش حد تانى هو اللّى يفكر….
Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s