ثلاثاء بلا تليفزيون – يلا اطلعوا برة!

انهاردة مش هتكلم عن أى انشطة منزلية كالعادة…
كل اللى هطلبوا منكم…تطّلعوا وﻻدكم برة

اﻷطفال محتاجين الشمس والهوا الطيبعى احتياج اساسى زي ما بيحتاجوا اﻷكل و الشرب بالظبط…

وبيحتاجوا يستكشفوا الدنيا اللّى حواليهم…
وبيحتاجوا وقت من غير تليفزيون وﻻ شاشات وﻻ دوشة يقعدوا كدة يستمتعوا بالطبيعة…
وبيحتاجوا يلعبوا مع اوﻻد زيهم ويتعاملوا معاهم…كتير…
بيحتاجوا يطّلعوا برة…
انا عارفة ان اغلب…ان لم يكن كل…اﻷمهات دلوقتى بيمصمصوا شفايفهم وبيقولوا عارفين و موافقين…ونفسنا والله…بس ابو العيال هو اللّى مانعنا من الخروج…
هو اللّى حابسنا…والله حاولت معاه كتير….أصل الظروف…أصل الجوابات…
انا عارفة…وحاسة بيكى والله…
لكن…
فيه مقولة انجليزية مشهورة قوى بتقول
 when there is a well…there is a way 
يعنى اما يكون فيه ارادة هيكون فيه طريقة…
اذا حاسة بأهمية و ضرورة ان الولاد ياخده كفايتهم من الشمس و الهوا والخروج واللعب مع اوﻻد زيهم هتلاقى طريقة…
وقبل بس ما تسخنى و اعصابك تبوظ و تقوللى بزهق ازاى بس…
اقولك يا سيتى كام فكرة لازاي دي…
 
١. زى ما عنوان المقالة بيقول…اختارى يوم فى اﻻسبوع تجهزى فيه اكلك من بدرى او تتفقى مع جوزك تجيبوا اكل من برة…او تطبيخى حاجة سريعة مابتاخدش وقت المهم تخلصى مالطبيخ بدرى… بحيث يكون عندك وقت تقضى ساعة أو ساعتين مع الوﻻد فى البلكونة…خلّى ده نظامك المتكرر معاهم كل اسبوع…
 
٢. البلكونة ما تنفعش ﻷى سبب؟…نعمل البيت بلكونة…نزيح العفش بحيث يبقى فيه مكان للوﻻد يتنططوا فيه…وتقعدى معاهم تلعبي معاهم… لمدة ساعة…تكونى انت من قبل كدة مخططة كذا نشاط ممكن تعملوهم سوا…اسهل و ابسط حاجة شغلى اغانى بتحبيها و اطنططوا مع بعض…مع فتح الشبابيك لتهوية المكان يوميا…
 
٣. ادى زوجك فكرة انك حابة تتناقشى معاه فى موضوع ولما يكون فاضى و باله رايق يقولك عشان تتكلموا سوا…طبعا هيسأل خير…تقوليلوا الكلمتين اللّى قلتهم دول عن اهمية الشمس واللعب للوﻻد و تقوليله عاوزين نتفق سوا على نظام خروج يريحك…عشان خاطرهم…مثلا تسمحلى اخرج كل قد ايه؟ وﻻ تحب تتحمل انت مسؤلية انك تخرجنا انت و تفضيلنا نفسك مرة او مرتين فى الشهر للهدف ده؟ على ان يكون الخروج للوﻻد مش بالمرة وراكى حاجات ليكي تاكل الوقت ﻷ الفكرة ان الوﻻد ينطلقوا فالخروجة ليهم…نختار حديقة عامة مثلا وﻻ مكان طبيعى وﻻ حتى شارع واسع يقدروا يمشوا فيه…اذا جوزك رفض خروجك انت ووافق يخرج هو الوﻻد…اوكي…الهدف الوﻻد هنا مش انت…خروجك انت حوار تانى…حاولى بكل طريقة توصلى لجوزك ان انت و هو فريق واحد وان هدفك مصلحة الوﻻد…متحوليش الموضوع لخناقة…اتعاملى مع الموضوع زى ما تكون مفاوضات ﻻزم تطلعوا منها انتم اﻻتنين مرضيين…
 
٤. حاولى تكوّنى صداقات مع امهات تانيين عندهم اوﻻد فى سن قريب من وﻻدك…واتفقوا على انكم تتقابلوا فى معاد ثابت متكرر عشان وﻻدكم يلعبوا سوا…ممكن يكونوا الناس دول مش صحابك انت قوي و ممكن يكون فيه وجهات نظر واسلوب تفكير مختلف بنكم وبين بعض قوي…وده جميل مش حاجة وحشة على فكرة ﻷنها مفيدة لشخصية وﻻدك… فيها مجهود و تعب عليكى فعلا لكن عشانهم…وﻻ تعرفى يمكن تطلعى بصداقة العمر من الموضوع ده 
الحياة بمسؤلياتها بتاخدنا فى دوامة…وكتير مابناخدش بالنا من الدور المهم اللّى اختارنا نمارسه اما اختارنا نكون اولياء امور…وهو اننا ﻻزم كل يوم نعمل حاجة ايجابية لوﻻدنا… مش نركز بس على اننا نأكلهم و نشربهم ونسكتهم…اهتمامنا بالجزء النفسى منهم ﻻ يقل اهمية عن الجزء الجسمانى… و ربنا يعنّا جميعا 
Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s