هى السعادة عادة ولا صفة؟

سؤال فى السريع…

ياترى لو سألتك انت سعيد حتكون اجابتك ايييه؟
أغلب الناس بتعتقد أنه السعادة حتتحقق بس لو حصلوا على حاجة معينة يعتقدوا انها ناقصاهم (وجدير بالذكر ان دى السياسة الى بتلعب بيها الدعايات انها تقنعنا انه السعادة فى المنتج ده! فلو انت رفيعة تتمنى تكونى تخينة لو تخينة تتمنى تكونى رفيعة لو سمرا عاوزة تبقى بيضة….الخ) 
أو حاجة متصورين انها لو نقصت من حياتهم  حايبقوا سعداء….
بالاصالة عن ذاتى جربت اكون فى مواقف كتير…جربت اكون “سنجل” و جربت اكون مرتبطة فى علاقة مش عارفة تكون رسمية و جربت اكون فى علاقة رسمية (بشقيها الخطوبة وكتب الكتاب)…
جربت اشتغل و جربت اقعد فى البيت…
جربت اكون رفيعة و جربت اكون تخينة…
المهم مش حطول عليكوا, عارفين انه فيه حاجة ثابتة فى كل الحاجات دى؟؟؟ايوة…مستوى السعادة!
اكتشفت انه مفيش حاجة بتخلى الحياة “أسعد” لأنه الى بيحصل لما نحصل على الى اتمنناه أو نخلص من الى نفسنا نخلص منه حاجتين ملهومش تالت…
يا اما الحاجة دى بتفرحنا ساعتين كدة ولا حاجة وخلاص نرجع لمستوى السعادة الدائم المعتاد…
او الحاجة اللى افتكرناها بتفرح طلعت مصدر اسى فى حياتنا (وعشان كدة بيقولوا فى الغرب احذر من الى تتمناه)
ومن هذا نستخلص يا اعزائى انه السعادة مش “صفة” لازم حاجة تحصل عشان نتوصف اننا سعداء…
لكن هى عادة…والعادة هى شىء مكتسب…اذا مارسته كل يوم يصبح عادة…
اذاى نمارس السعادة بقة؟؟؟؟
اننا نصر بالحاح كل يوم اننا نفرح روحنا… ونركز على الحاجات الكويسة الى حصلت انهاردة…وكل يوم على فكرة فيه حاجة كويسة بتحصل ونبطل نشتكى وكل ما نقعد ما حد نشتكيله اساسا ملهاش اى فايدة الشكوى الى بنحكيله اكييد مش مهتم و طبعا معندوش حل للمشكلة فانسى و ارمي ورا ضهرك و اكتسب عادة السعادة!
ايه رأيكوا؟؟؟
Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

w

Connecting to %s