ميدالية الأم الذهبية


أكييييييييد أكييييييييييييييييد مر عليكى الموقف ده…

تروحى زيارة لناس… عادة مش أصحابك…وتكون فى القاعدة أم (أو جدة عندها بنت) متجوزة فى وقت قريب منك… وفى وسط الحوار وبشكل “كاجوال” جدا تتسألى سؤال عن ولادك… مثلا مثلا بترضعى طبيعى ولا صناعى؟
فإذا كانت الإجابة إنك بترضعى طبيعى تلاقى التعليق على مساوىء الرضاعة الطبيعى وإن الأم (أو أسواء الجدة) الى قدامك أشطر منك مائة مرة عشان بترضع صناعى!
والعكس صحيح…
ونفس الشىء بخصوص أى موضوع فى التربية…إذا كان ولادك لهم نظام فى الأكل والنوم فده أكبر غلط…و إذا مالهمش يبقى إيه الفشل ده 
إذا رفيعين مالهم “معصعصين” كدة ليه و إذا تخان مالهم “دباديب” كدة ليه!
… النتيجة النهائية إنك غلطانة عشان إنت مش بتعملى بالظبط بالظبط ذى ما الأم الى قدامك أو الجدة الى بتحكيلك عن بنتها العظيمة ما بتعمل!!!
وهنا السؤال… ليه؟
هو فيه أوليمبيات فى الأمومة؟… فيه حد بيوزع ميداليات ذهبية وفضية وبرونزية على الأمهات؟؟؟
ليه الإصرار ده على إنه فيه أم ” أشطر” أو ” أخيب” من أم؟
ليه الإحتياج لإشعار أم غيرك بإنها سيئة؟
هل الى بتعمل كدة بتعمله عشان تحسس نفسها إنها مش أسواء أم فى الدنيا؟ و إن قراراتها مع ولادها مش كلها غلط؟
الأرجح إنه ده السبب… بس للى بتعمل كدة والى بيتعمل فيها كدة…
مفيش ميداليات… ومفيش حد بيدى الأم دى أو دى جائزة من أى نوع مهما كان أدأها… وفى الأخر بصراحة مفيش فرق كبير قوى بين أم و التانية… كلنا بنحب ولادنا أكتر من نفسنا و كلنا عاوزين نعملهم كل حاجة حلوة فى الدنيا… وكل حاجة بنعملها حتى لو غلط بنعملها بنية اننا نفيد ولادنا ونديهم أحسن ما عندنا…
… وكلنا خايفين نكون بنبوظ الدنيا… وكلنا شاكين فى كل خطوة بنعملها… وكلنا بنشوف ولادنا بيعملوا حاجات تفرحنا و تملانا بالفخر وتحسسنا اننا ناجحين و كلنا برضه بيحرجونا ولادنا و يعملوا حاجات تحسسنا إنه مفيش أفشل مننا…
يعنى فى الآخر كلنا فى الهوا سوا ومحدش أحسن من حد… فياعزيزتى الى بتعمل كدة إنت مش محتاجة تعملى كدة لأنك أم رائعة من غير حاجة…
والأم الى بيتعمل فيها كدة كبرى دماغك ما إنت عارفة ناس دماغها صغيرة وإنت الكبيرة العاقلة برضه… ولا رأيكوا إيه؟
  
Advertisements

2 comments

  1. لسة خلصت قراية البوستات اللي بعد بوست (النوم ذالك الضيف العزيز)

    كنت كل اسبوع ما نزلتي آخر بوست ادخل اشيك اذا كنتي نزلتي حاجة جديدة او لأ

    وبجد فررررررررررررحت لما شفتك نزلتي بدل البوست, سبع بوستات

    أنا معاكي بكل كلممممممممة قلتيها فعلا الله يعيييينك بجد ويهدي لك ابنك وبنتك ويقر عينك بهدوئهم وصلاحهم وبرهم يارب

    وعلى فكررة .. انا بجد نفسي اشوفك واقابلك واتواصل معاكي اكتر اصلي انا كمان مغتربة في الاردن ونفسي اتعرف عى ستات امورات زيك

  2. Q8ti HouseWifث مرسى قوى قوى يا انا اللى بجد بفرح قوى لما الاقى كلماتك الى بتشجعنى وبتدينى سبب اكمل عشانه واحب فعلا اننا نتقابل. ايميلى اهو تعالى نكلم بعض فيه ونتعرف اكتر
    otababy@gmail.com

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s